Maharshtra News Nanded News

 शेतकरी…

 शेतकरी जागरूकता कार्यक्रमाचे आयोजन

 

नांदेड (जिमाका) दि. 20 :- ग्रामीण कृषि मौसम सेवा, वसंतराव नाईक मराठवाडा कृषि विद्यापीठ परभणी, कृषि विभाग आत्मा व जनशक्ती शेतकरी उत्पादन संघ हरडफ यांच्या संयुक्त विद्यमाने माहूर तालुक्यातील हरडफ येथे 19 नोव्हेंबर रोजी हवामान अंदाज व कृषि तज्ञांचा सल्ला व शेतकरी जनजागृती कार्यक्रमाचे आयोजन करण्यात आले होते.   

यावेळी किनवटचे उपविभागीय कृषि अधिकारी डी. एम. तपासकर, वसंतराव नाईक मराठवाडा कृषि विद्यापीठाचे उपसंचालक संशोधन (पीके) डॉ. अशोक जाधव, ग्रामीण कृषि मोसम सेवा, वनामकृवि, परभणीचे प्रकल्प समन्वयक डॉ. के. के. डाखोरे, संशोधन सहयोगी प्रमोद शिंदे, हवामान निरीक्षक ए. आर. शेख, तालुका कृषि अधिकारी बालाजी मुंडे, मंडळ कृषि अधिकारी अमित पवार, जनशक्ती शेतकरी प्रोडयूसर कंपनीचे अध्यक्ष प्रल्हाद चव्हाण, सर्व कृषि सहाय्यक, आत्मा प्रकल्पाचे कर्मचारी, प्रगतशील शेतकरी डॉ. बाबा डाखोरे, अमोल आडे, दत्तात्रय सोनटक्के, डॉ. विजय जाधव व परिसरातील जवळपास शंभरपेक्षा अधिक शेतकरी उपस्थित होते. 

याप्रसंगी मार्गदर्शन करताना उपविभागीय कृषि अधिकारी तपासकर यांनी शेतकऱ्यांसाठी असलेल्या विविध शासकीय योजना व त्याचा लाभ घेण्यासाठीची प्रक्रिया याबद्दल सखोल मर्गदर्शन केले. डॉ. अशोक जाधव म्हणाले, शेतकऱ्यांनी हवामानाच्या बदलानुसार हवामानाचा अंदाज वापरून आपल्या शेतीचे नियोजन करावे जेणेकरून होणारे नूकसान टाळता येईल. सध्या शेतात उभे असलेल्या रब्बी पिकांच्या नियोजनाबद्दल शेतकऱ्यांना मार्गदर्शन केले. डॉ. कैलास डाखोरे, प्रकल्प समन्वयक, ग्रामीण कृषि मौसम सेवा, वनामकृवि, परभणी यांनी हवामानाचा अंदाज व त्याचा पिकांवर होणारा परिणाम याबद्दल मार्गदर्शन करून हवामान अंदाजाबद्दल माहिती मिळण्याचे स्त्रोत याबद्दल माहिती दिली. कृषि हवामान सल्ला मिळवण्यासाठी मेघदूत ॲप व विजांच्या माहितीसाठी दामिनी ॲपचा वापर करावा, असे आवाहन केले. तालुका कृषि अधिकारी बालाजी मुंडे यांनी शेतकऱ्यांना कापूस पिकावरील गुलाबी बोंड अळीचे व्यवस्थापन, हरभरा व तूर या पिकावरील किड व्यवस्थापन या विषयावर मार्गदर्शन केले. 

शेवटच्या प्रश्नोत्तर सत्रात मार्गदर्शकांनी शेतकऱ्यांच्या विविध प्रश्नांचे व शंकांचे समाधान केले. कार्यक्रमानंतर सर्व मान्यवरांनी भाजीपाला उत्पादक शेतकरी रवी राठोड यांच्या वांगी व टोमॅटोच्या प्लॉटला तसेच प्रगतशील शेतकरी डॉ. बाबा डाखोरे यांच्या डाळींब बागेस भेट दिला. 

00000

Leave a Reply Cancel reply

This site uses Akismet to reduce spam. Learn how your comment data is processed.

%%footer%%