NANDED NEWS TODAY

नांदेड शहरातील पिरबुरहान भागात 64 वर्षीय कोरोनाचा संशयित रुग्ण पॉझिटिव्ह: पिरबुरहान भागाचा पाच कि.मी. परिसर पूर्णतः सील

जनतेने घाबरुन न जाता घरातच राहून सहकार्य करावे

जिल्हा प्रशासनाचे नागरिकांना आवाहन ;

नांदेड दि. 22 :- कोव्हीड-19 चे अनुषंगाने नांदेड शहरातील पिरबुरहान भागातील 64 वर्षीय कोरोना संशयित रुग्णाचा अहवाल आज पॉझिटिव्ह आला आहे. जनतेने घाबरून न जाता, घरातच राहून कोरोना विरुद्धच्या लढ्यात सहकार्य करावे, असे आवाहन जिल्हा प्रशासनाच्यावतीने करण्यात आले आहे.

हा रुग्ण सोमवार 20 एप्रिल 2020 रोजी दुपारी शासकीय महाविद्यालय नांदेड येथे ताप खोकला व दम लागणेच्या तक्रारीमुळे दाखल झाला होता. या रुग्णावर उपचार सुरु असून पिरबुरहान भागाच्या आसपासचा पाच कि.मी.चा परिसर पूर्णतः सील करण्यात येत आहे.

जिल्हा प्रशासनाच्यावतीने या सील करण्यात आलेल्या भागातील जनतेने घरातच राहण्याचे निर्देश देण्यात आले आहेत. या सील केलेल्या भागात रुग्णाच्या संपर्कात आलेल्या संभावित संशयीतांच्या तपासणीसाठी वैद्यकीय पथके आणि पोलिस तैनात करण्यात आली आहेत.

  •  
  •  
  •  
  •  
  •  
  •  

Leave a Reply

This site uses Akismet to reduce spam. Learn how your comment data is processed.

%d bloggers like this: